ليه وربك ؟
من تخون ؟ ومن عشانه ؟
من هو يسوى في عيونك
من هو أشغل فيك ذنبك
وغيّر إخلاصك " لسانه " !
ياه يا صدقي ويا كذبك
أعتبر هذي . . . إهانه !
{ الأمانه } قلب حبك
وإنت , ما صنت الامانه
تعتقد . . هذا جزاي ؟
طعنتك جت من وراي
وقلبي ينزف لك حنانه !
روح له وعطني وفاي ,
رجّع إحساسي مكانه
وإنتفارق , في هدوء
ما نعيد . . الإسطوانه
إنه بعض الظن سوء
وإنه بعض الحُب إثم
عاشق وأطلب لجوء
شاعرك إطلق عنانه
لا تسولف لي عليهم
" النوايا و الخطايا "
حتى لو عندك سوالف
إحتفظ فيها ل [ نفسك ]
إنت مجرم في عيوني
وثابته فيك الإدانه !
قلبي لك فارس شجاع
ما ترجّل من حصانه
عاش لك في كل لحظه
و مات لك فارس زمانه ..
المشاركات
ارسمت حكمك عليي
ردحذفواتهمتني بالخيانة
هذا طبعك .. تعتبر ظنونك
هي النهاية
تنهي بنفسك حب انت ما بديته
وكانت مني البداية
امش بطريقك
وعش لو تقدر بذنبي
وتعايش مع ظنك بي
وعمرك لا تحسن النوايا
آخرك تخسر كل من حبك
ومشي على دروبك واخلص لقلبك
للنهاية ..
انا مو آسفة على عمرِ هدرته
لانه علمني في هذه الدنيا
منين تيجي البلايا
نقطة وانا انهي مثلك
سطر في صفحة هوايا
هلا بك سويت كات في مدونتي
ردحذفاشكرك واشكر تعليقاتك اللاذعة
وسأفتح باب السجال بيننا بالشعر
مع العلم انك عزيزة وغالية علينا جميعا
ـــــــــــــــــــ
لاتنشغـل فيـنـي انــا بحـالـي أدرى
قلبٍ تعلّق فيك ينسـى مـع الوقـت ..؟
أكثر من اللي صـار لـي ويـش يجـرى
بين الرجا واليـاس شفنـي تعلّقـت ..؟
مثلي ولـو شفتـه عـن همومـه أزرى
ماقال ليتـك فـي جروحـه ترافقـت ..
هـاك القصايـد ولاتضايـقـت اقــرى
شف وشكثر فيها لبسماتـك اشتقـت ..؟
أثـر الوفـا ينبـاع عنـدك ويـشـرى
ماكنت أصدق فيـك واليـوم صدقـت .!!
يامشتهـي فرقـا الموالـيـف حــذرى
تبعد وانا من سكـرة الحـب مافقـت .؟؟
لاطافـت الفرصـه تحريـت الاخــرى
وتـروح ماكنـي عليهـا تشوقـت ....
سـاري لـو ان الليـل مافيـه قمـرى
اشيل من حمل الهوى فـوق ماطقـت !!
لاصـار حـظ اقشـر والايـام قـشـرى
مافيه احد عاقل يلومـك اليـا ضقـت ؟؟
صحيـح بعـض النـاس فرقـاه بشـرى
وبعض البشر لاغاب ليلـه تضايقـت .!!
ليتـك خذيـت بليـل الاحبـاب مسـرى
غربت من كثـر الطـواري وشرقـت ..؟
السيل يبقـا لـه علـى القـاع مجـرى
ويبقا لك التذكار لـو كنـت فارقـت ..؟
أشوف لك مـن ويـن مارحـت ذكـرى
ولاشفتهـا صديـت عنهـا ودنـقـت .؟
ماكـل جـرحٍ لاخــذا ايــام يـبـرى
بعض الجروح يزيد شره مع الوقت ..!!!
لاتنشغـل فيـنـي انــا بحـالـي أدرى
قلبٍ تعلّق فيك ينسـى مـع الوقـت ..؟
أعتذر عن التطفل وانت اعلم سيد ابو حسن اني من عشاق مدونتك وكل ما قرأتها يلزمني ترك بصمة عليها سأنظم اليكم بهذه الكلامات المتواضعة
ردحذفكل المشاعــــــــر في غيابك حزينــــــــــــه
وكل البشـــــــــر في حضرتــــــــك مالهم دور
من قالك ان القمـــــــــــــــــــــر شبيهك
عمر القمر ما فاح من جسمه عطــــــــــــــور
,,انت القمـــر,, والفرق بينك وبينـــــــــه
نورك طبيعـــــــي والقمر مكتسب نــــــــوره
اعتذر لتاخري بالرد عليك لداعي السفر
ردحذفغلاتك في القلب كبيرة ابو حسن و اعتذر لقبول سجالك
لان انا شعري على قدي وبنات افكاري مو دايما مطاوعتني للرد
لكن احب ان اترك بصمة بمشاركتي في مدونتك
تقبل مروري
مودتي