وصيتي لك

بعد موتي ...
أبيك تكون.. وسط العزا بابتسامه 
ما أبيك تهل الدمع بغيابي 
ولا أبيك تقول راح غالي .!! 
أبيك تقول راح وما بقى له غير الدعاء 
أبيك تكمل أيامك 
أبيك تذكرني بأفراحك .. 
وانتبه ..
لا تنزل دموع من عينك 
أبي خدك من صفى روحك 
مفتح ..!
أبيك تكون موجود .. 
لآخر لحظه .. من أيامي ... 
أبيك 
تجمع رمال بيدينك وتسكبها على قبري 
ومن قلبك تودعني 
أبيك 
لابدو علي صلاتي , تذكر ربك 
ثم تقول .. 
يا رب هذا غالي ..
لا تحرمني من جمعة وياه بجناتك .!!!!
أبيك تلم يدينك وتمسح بباطن كفوفك .. خدودك ..
أبيك تكون آخر من يروح عن قبري 
ومابي أوصيك لا راحوا 
اصرخ بأعلى صوتك 
يا ربي .. أرفق به .. وثبته في سؤاله !
ولا وصيك 
لا بدت أيام العزا 
‘‘ توقف على بابي 
وتستقبل خواني
وتخبرهم 
كيف كنت أهواك 
وقولهم قصتي أنا وياك 
بس تكفى لا تخبرهم باقي أسراري ..!!
وان انتهت بثالث أيامها .. خذ ملابسي ولفهــا بين أحضانك 
واذكر كيف كنت تضمني .. لا بردت .. 
وتنفخ بيديني لجل 
تدفي .. أحاسيسي .. بهمساتك ..!!
واياك تنسى ..
وتمسح رقم جوالي .. 
خله محفوظ ..
ولا حسيت بالضيقة 
أرسلي آخر أخبارك 
تطمن بتوصلني ولا تضيق حتى لو ماجاك ردي ..!
وان يوم ضاقت بك الدنيا وما فيها
تذكر إني بقبري لحالي ....
وتعال لملم باقي شتاتك على رمالي 
اجلس تربع 
وعطني باقي مرسالك لو تبي تبكي ابكي انا اليوم ماني قبالك 
خبرني وش صار بدنيتك بعدي 
وكيف هم معك عقبي 
وهو قلبك ذكرني ..؟
ولا نساه طول بعدي ..!
ابكي , اصرخ , نادي , ادعي
سوي اللي تبي 
تطمن أنا أسمعك ولحكيك منتبه 
ولو ما رديت  أعذرني
انت تعرف أسباب صمتي وسكاتي 
المهم 
خلك معي .. وكل ليله زورني
ولا تنسى .. تجمع باقي أوراقي وما أبي أذكرك تدعي ربك كل يوم وتذكرني بخير ..
وتنسى كل خصام مني 
وما تذكر ألا فرحتي 
وكيف إني بدنيتي .. عطيتك قلبي ودموعي .. وفرحتي
هاذي وصيتي .. لا (( مت )) 
افتحها واقراها وارجع ثاني قفلها 
وخبيها بأمانه 
بعد ما تحفظ كل ما فيها