يا عسى عمرك مديد

كل سنه وأنت بخير وعيد ميلادك سعيد
كل سنه وأنت يا غالي أجمل أيام العمر

كل سنه وحبك في قلبي يا بعد عمري يزيد
كل سنه وأنت رفيقي وصاحبي وأغلى البشر

ليش تسألني وتدري إنه الجواب عندي أكيد
يعني معقوله أنا أنسى يوم ميلاد القمر

حافظ التاريخ والله مهما كنت عنك بعيد
مستحيل أنساه لو ينسى النحل ريح الزهر

إيش أقدم لك هديه ما يوفيك القصيد
أنت أغلى من هدايا الكون يا أحلى قدر

ودي لو أهديك روحي وإلا قلبي والوريد
كل ما تطلب حلالك لو طلبت حتى النظر

الهدية ما هي إلا رمز والرمز ما يفيد
لا تظن إني اوافق أشتري زجاجة عطر

يا عطر عمري وحياتي يا قديمي والجديد
هاك خذ عمري هدية والله يفداك العمر

المهم تكون راضي وغير هذا ما أريد
ما أريد إلا أشوفك نجمة في عز الظهر

وما أبي غيري يشوفك خلني في قلبك وحيد
لا تظن في حد غيري يحبك أنت هالكثر

بحتفل فيك وبغني وبكتب أشعار وقصيد
الله يالأيام تمشي كنها في لحضه تمر

إنطفت ..... شمعه يالله عقبال المزيد
ما أصدق هذا إنت طفل ٍ بسرعة كبر

الله يخليك لي يا عسى عمرك مديد
وتبقى لي يارب يارب قدوة وإعجاب وذخر

وأحي قربك طول عمري وتبقى في ظلي سعيد
وتبقى انت في حياتي أجمل أيام العمر

كل سنه وأنت بخير وعيد ميلادك سعيد
كل سنه وأنت رفيقي وصاحبي وأغلى البشر